Back-up chicks i ni em?

Kawppui tur awm mi, kan tana khuanu ruat kan zawnna kawngah ngaihzawng pawh kan nei nual ang. Chutiang chu mi tih loh dan pawh a ni bik lo. Chutihlai chuan inngaihzawnnaah tu emawin a back-up angin a a hmang tawh che em? Serious pui che tumna a nei lo va, a ngaihzawng nena an boruak chhiat palh emaw, an inthen palh emaw a ‘security’ ang deuhin a hmang che tihna a ni. Mahse, nang chuan engmah i hre si lo ang.
Tun tumah hian miin an ‘back-up’ atan an hmang che tih hriat theih dan ni a relationship lama mithiam te sawi kan rawn tarlang e-
1. In awmdan tur leh tih turah engmah thuchiang a nei ngai lo. Eng pawh tidun dawn ula engmah ruahmanna felfai thlerh thlawrh a awm ngai lo a, a tlachawp deuh zelin thil a ti ang. A chang chuan last minute-ah te a rawn thulh leh thut ang a, len dun in tumna hmun i thlen tawh hunah te a hman leh loh thu te a rawn hrilh leh thut ang che.
2. A be hmasa ngai mang lo ang che. I text hmasak loh chuan a text ngai mang lo che a, chutiangin nangman i call a nih loh chuan a call hmasak che a awm zen zen lo a, a call ve chhun che pawhin “Ka free inhmu ang,” tih vel bak a ni ngai meuh lo.
3. In pahnih hmalam hun engmah a sawipui theih loh. Tun hun chiah a ngaihtuah a, in hmalam hun tur engmah a sawipui thei loh a, ruahmanna pawh engmah a nei lo. A chhan chu ‘reserve’ ang chauha a hman vang che a ni.
4. Thil tak tak a sawipui theih loh a, khun khan deuhin a titi pui theih loh. In pahnih chungchang serious deuha sawipui i tum pawhin engtin emaw a chhang pial thiam riau che ang a, thu tak tak a sawi pui tha duh lo ang che.