Badminton ranking thara India mite dinhmun

Badminton ranking thara India mite dinhmun
Karliamta khan BWF ranking ranking thar tar-chhuah niin, mipa double ranking-ah Indian shuttler pair Satwiksairaj Ranki-reddy leh Chirag Shetty-te chuan an career-a an san ber hun tawngbuain world number three an ni chho.
A tumkhatna’na Super 1000 men’s doubles title la zo hlimhlawt star Indian shuttler pahnih hian Indonesia Open title an sualchhuahna final-ah Pathianni kalta mai khan reigning world champions Aaron Chia leh Soh Wooi Yik of Malaysia inkawp chu straight games-in an hneh a, Indian zinga Super 1000 event-a champion thei hmasaber leh awm-chhun an ni nghal.
Commonwealth Games gold medallists hian kumin kum bul an tan fuh a, season kal laiah World Tour title pahnih la der tawhin, Swiss Open bakah Badminton Asia Championships-ah khan gold medal an awrh.
Men’s singles ranking thar lamah Kidambi Sri-kanth pawh pen thuma kangin, top-20 (world number 19) a hawlh chho a, a chung chiahah Lak-shya Sen pawhin world number 18 a luah.
Indonesia Open last four pakhat zawka world number one Victor Axel-sen laka tlawm ta HS Prannoy kha India mipa singles player zinga ranking thara dinhmun sang ber luahtu niin, world number nine a ni.
Rising shuttler Priyan-shu Rajawat pawhin a career-a a tawnsan ber luahin world number 30 a ni a, a dinhmun hmasa atangin pen liin a sang.
Rajawat bakah hian Indian dang paliin men’s singles-ah top-30 an luah.
Double Olympic me-dalist PV Sindhu pawh women’s singles ranking thar tarchhuahah pen hnihin a kang hlek a, World No. 12 luahin, pen khata hmasawn veteran Saina Nehwal chu world number 31 a ni ve thung.
Women’s doubles lamah Treesa Jolly leh Gayatri Gopichand inkawp chu chesawn loin 16-naah an thu chhunzawm a; pen hniha an tlakhniam hnuah 41-na luahin Ashwini Bhat leh Shikha Gautam-te chu Indian pair zinga Jolly leh Gopichand dawttu an ni.
Indian mixed pair Rohan Kapoor leh Sikki Reddy pawh pen hniha sangin world number 33 an thut.
He list-a sang ve leh chu Tanisha Crasto leh Ishan Bhatnagar inkawp niin, pen khata an tlak-hniam hnuah world num-ber 38 an luah.