Baghdad-a Sweden embassy luhchhuah

Baghdad-a Sweden embassy chu mipui thinrim za tel te chuan luhchuahin an hal zui niin sawi a ni.
Embassy staff te chuan hliam tuarin mahse engmah thil chiang tak hriat theiha a ni lo tia sawi a ni a. Baghdad-a Sweden embassy official te chuan engmah sawi an la nei lo bawk.
He lungawilohna Sweden laka lantir hi Shi’ite cleric Muqtada Sadr koh niin hei hi Sweden a Muslim holy book Koran hal duhlohna tia sawi a ni a. Sweden-a Koran hal thleng chu Muslim ram te chuan nasa takin demna an lo sawi tawh a ni.
Sadr thlawpna Telegram channel hrang hrangah video phochhuah niin chutah chuan Ningani zing lam dar 1 velah Sweden embassy kawt velah mipui pungkhawmin chumi hnu lawk chuan embassy complex chu an luhchhuah zui ta a ni.
Video-ah vek chuan embassy complex-a building-te atanga kangmei khu lanna tihlan a ni bawk a, mahse, hei hi a dik chiah em tih erawh finfiah theih mai a ni lo thung.
Embassy luhchhuah a nih lai hian a chhungah mihring awm an awm em tih pawh chiang taka hriat theihin a la awm lo bawk.