Pita Limjaroenrat PM nih tir tum lo zel

Thai reformist Pita Limjaroenrat an prime minister nih a tum chu a tlawh dawn tain a lang a, hei vang hian kumin May thla inthlana hneh taka chakna chang thlawptute chu an lungawi lo nasa hle.
Kum 42-a upa Pita hi a hmasa berin mak tak maiin constitutional court chuan parliament atangin a ban a, hei vang hian debating chamber chhuahsan lo thei lovin a siam a.
Chumi hnuah lawmakers te chuan PM a nih leh nih loh tura vote lak vawihnihna neih chu dan an remti leh a ni.
Move Forward party eader hian Thailand general election-ah hneh taka thlan tlinna tawngin military rule chu voter ten an hnawl a ni.
Mahse, hnehna inthlana a chan mai chu a tawk lo va, parliament approval mamawh niin kar kalta khan chu chu nei thei lovin a hlawhchham a, hei vang hian Thai politics chu buai nuaiin a awm zui ta zel rih a ni.
Constitutional court chuan Pita chu parliament atangin media company tlachhe tawhah share a neih avangin ban hlen tur a nih leh nih lohah thutlukna a siam ang.
“Kan inhmuh leh hma loh zawng mangtha u” tiin Pita chuan assembly house a chhuahsan pahin a sawi zui a ni.
Pita hi Harvard graduate niin tech executive hlui ni bawkin major reforms zuara tling a ni a. A reform kalpui tur zawrhah Thailand lalte thuneihna lese-majeste pawh siamthat intiam a ni. Mahse, a do ber te chu senate a thlan loh member rual te leh conservative amah Pita chu monarchy tana hlauhawm anga ngaite an ni.
Parliament pawnah Move Forward thlawptute chuan eng nge inthlanin awmzia a neihna tiin an au thung a. “Eng vangin nge inthlan in ngiat? In chhung zinga tu emaw ber prime minister-ah dah mai ta che u,” tiin an sawi a.
“Pita hian tihsual a nei lo, engkim a tidik vek zawk,” tiin hmeichhe pakhat chuan a sawi a. Parliament a chhuahsan pahin Pita chuan court in thutlukna a siam hma chuan MP a nih angin engmah tih a neih loh tur thu a sawi bawk a.
“14 May atang khan Thailand a inthlak danglam tawh a, a ngai a ni leh tawh ngai lovang” tiin inthlana chakna an chan chungchang a sawi a. “Mipui ten kawng zah ve an thleng tawh a, a zahve dang la zawh ngai a ni,” tiin a sawi bawk.
PM ni turin Pita hian parliament a chamber pahnihna member 749 zing atangin a zahve thlawpna a mamawh a. Kar kalta khan 324 vote hmu in 375 a mamawh a phaklohna chu 51 a ni a, lower house-ah chuan MP a ngah tawk a, upper house ah a ngah tawk lo thung a ni.
Upper House-a senator 249 chuan an thlawp dawn tih a chiang ngai lo hrim hrim a. Heng senator te hi kum 2006-a sorkar paihthlak hnua sipai tena an ruat leh dah te vek an ni bawk si a ni.
Move Forward hi Thai voter la thalai lamah chuan an tla na hle a, conservative military rule nuaibo duh te vek an ni.
Bangkok-a cheng kum 39-a upa Chaturongkul chuan amah leh a thiante chuan ngaihthatlohna an neih thu sawiin Pita chu parliament-ah an aiawh anga an ngaih thu a sawi a.
Move Forward-te hian party dang pasarihte nen coalition an siam a, chung zingah chuan party lian ber dawttu Pheu Thai te pawh an tel a. A hma chuan Pheu Thai te hi lar ber an ni a, mahse, thalaite chuan Move Forward hi an bawh ta zawk a ni.