Bairabi-ah two lane kawng siam

Mizoram PWD hnuaia Bairabi khawchhungaa double lane kawng siam mekah Kolasib district bawrhsap Robert C Lalhmangaiha hovin thurel ngai relin Zirtawpni khan thutkhawm a ni a. A kaihhnawih sawrkar hotute, kawng siamtu contractor – NIDHI hotute, Bairabi North leh South Village Council leh Bairabi Joint YMA hruaitute an tel.
Bairabi khawchhunga National Highway 154 kaltlang chu double lane kawng tura siam mek a ni a. He kawng siam chungchangah hian hmalakna kal mek chu tun tum thutkhawmah hian bawrhsap hoin thlirho a ni. Kawngpui siam avanga harsatna awm thei hrang hrang sutkian dan pawh ngaihtuah niin, chu’ng zingah chuan vantlang tui lakna khaihlak lo zawnga kawngpui siam hna thawh dan, leivung paihna hmun tur, vantlang mipui nunphung tibuai lo zawng leh mipui hriselna ngaihtuah chunga kawng siam dan ngaihtuah ho a ni. Kawng siam chungchanga mimal ramten harsatna an neih pawh a ranglama chinfel dan sawiho a ni bawk.
Bairabi khawchhunga national highway double lane kawng siam hna hi Mizoram PWD hnuaia NIDHI Creative Infrastructure Pvt. Ltd. company-in a thawk a. Harsatna lian a awm loh chuan kumin kum chanve chhungin Bairabi khawchhunga double lane kawng siam hna hi zawh hman an inbeisei tih an sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More