Siaha District Court building thar chu Gauhati High Court Chief Justice Vijay Bisnoy chuan Zirtawpni khan a hawng. Gauhati High Court judge, Lunglei Judicial District portfolio judge Justice Nelson Sailo leh Gauhati High Court judge Justice Michael Zothankhuma te pawh an tel.
Chief Justice chuan building thar chu a ruangam leh engkim a felin a tha hle tih a sawi a. Dikna in ro a relna hmun a nih theihnan theihtawp chhuah turin a fuih.
District Court building Siaha hi centrally sponsored scheme niin, cheng vaibelchhe 18 senga saka ni a, contractor chu F Sangkunga, Venghlui Aizawl a ni. Building hi 2018 September 10 a sak tan niin, 2021 March 21-a zawhfel tura tih ni mah se, Covid 19 len avang leh harsatna dang avangin 2023 April 22 khan main building sak zawh a ni. A chhung furniture works khawih leh niin, tunah luahluh theih a ni tawh.
District Court building hawng
Get real time updates directly on you device, subscribe now.
Prev Post
Next Post