Bawlhhlawh sawngbawlna hmun enfiah
Mizoram State Commission for Protection of Child Rights (MSCPCR) chuan bawlhhlawh sawngbawlna hmunah bawlhhlawh chhar thin naupang an awm thu hriain Dr. Julie Remsangpuii Fambawl hovin MSCPCR member-te’n an enfiah.
MSCPCR hotute chuan Child Labour (Prohibition and Regulation) Act 1986 chuan naupang kum 18 hnuai lam hnathawka chhawr a phal lo a, an hriselna leh nun khawchhuahna atana hlauhawm hmunah phei chuan engah mah teltir a phal lo tih an sawi.
Aizawl Municipal Corporation lamin hma an lo lakna zarah bawlhhlawh sawngbawlna hmunah hian naupang kal thin pawh an lo awm tawh mang lo a, Commission-in a hmun an tlawh lai pawhin naupang hmuh tur an awm lo a, a lawmawm hle a ni an ti.
Mizoram State Commission for Protection of Child Rights chuan naupangte an lehkhazirna leh an ni tin nun nuam taka an hman tur tikhaihlak thei laka venhim hi a ngai pawimawh em em a, hetiang laka naupang chhanchhuak tur hian theihtawpin hma a la mek zel a ni an ti bawk.
Bawlhhlawh sawngbawlna hmun enfiah
Get real time updates directly on you device, subscribe now.
Prev Post
Next Post