Bawng fingin Guinness World Record siam

Ran a enkawltu ten an khawi fin, thil chi hrang hrang an thiam tir hi chu kan hre nual tawh ang, mahse, bawng fing kher hi chu kan la hre bik lo mai thei! Bawng pakhat, a hminga Ghost an phuah chuan second 60 chhungin a thiam thil (tricks) chi 10 a entir hman a, Guinness World Record a siam.
Ghost hian a enkawltu Megan Reimann nen Nebraska, USA-ah trick chi hrang hrang hi tiin record an siam a, a thiam thil zingah chuan ‘awmna ngaia awm reng,’ ‘vir kual,’ ‘dar khawih,’ ‘lu buk nghat,’ ‘kohna lama kal,’ ‘mahni a hruia intawn,’ ‘dawhsan a lawn’, ‘fist bump/ leg lift,’ ‘kiss,’ leh ‘chibai buk’ te pawh a tel.
Reimann chuan bawng hi enkawl fin theih an ni yih sawiin, trick chi hrang hrang an zirtir theih niin a sawi a, Ghost phei hi chuan rawng (colour) te pawh a thliar hrang thei niin a sawi.