Mut kham lohin hnute cancer risk tisang

Zan mut that loh leh mut kham loh hian hnute cancer risk a tihsan bakah hnute cancer dam leh te pawh an cancer nawn leh theihna risk a sang niin an sawi.
Case Western Reserve University School of Medicine-a mithiam rual chuan hmeichhe thihul tawh 412, hnute cancer (oncotype DX tumor) zingah zirchianna an nei a, hmeichhia, chawhruala zan khata darkar 6 mu aia tlem mu thin te chuan hnute cancer risk hi an nei sang zawk a, hnute cancer dam leh tan pawh a rawn lan chhuah leh theihna risk a sang zawk niin an sawi a ni.
Zirchiannaa an hotu Professor Cheryl Thompson chuan, “Tun tum hizan mut tlem hnute cancer inzawm theih dan zirchianna a awm vawi khatna a ni a, a bik takin hmeichhe tihul tawh (post-menopausal women) teah a ni lehzual a ni. Mahse, eng vanga mut tlem vanga cancer risk chu sang nge a nih tih chu la zir chian leh deuh a ngai ang,” a ti.
He zirchianna chungchang hi Breast Cancer Research and Treatment-ah tihchhuah a ni.