Serge Gnabry leh Kingsley Coman-te goal hmangin Bayern Mu-nich chuan an mikhual Hertha Berlin lakah point thum an thawk-chhuak a, Bundesliga table-a an hmahruaina an luahkir.
Gnabry hian zuang paha tauhin minute 69-ah Joshua Kimmich-a through ball fing tak pek chu goal-ah a chantir a; Kimmich bawk hian minute 10 hnuah ‘assist’ dang siamchhuak lehin, duhthusama tha ball a dawn hmangin Coman chuan Hertha goal-keeper Manuel Rie-mann-a dan zawh loh goal a thun.
Zirtawpnia tlak-hniam hlauhawm din-hmuna ding mek VfL Bochum nena sikhat ve ve thuna inhnehtawk ringawt Borussia Dort-mund chuan pahnihna luahin, hmahruaitu Bavarians nen khelh 30 ve veah point khat-in an inthlau.
Anthony Losilla chuan tan atanga mi-nute ngana lekah VfL Bochum hmahruaina goal thawhin, Karim Adeyemi chuan Dort-mund siphurh sut thuai mah se goal dang an thun belh zo lo a, game li chiah awm tawhah Bayern-in ‘driving seat’ an luah theih phah.
Dortmund tan beisei a la bo lo a, kum 2012 hnu lama a vawikhatna atan Bundesliga title an la beisei thiang a, mahse, Munich club chetsual zeuh an chan a ngai tawh thung.
-- Advertisement --
Pathianni inkhel
Bayern Munich 2-0 Hertha Berlin
VfL Wolfsburg 3-0 Mainz 05
Inrinni inkhel
1. FC Koln 0-1 SC Freiburg
1. FC Union Berlin 0-0 Bayer 04 Leverkusen
Eintracht Frankfurt 1-1 FC Augsburg
RB Leipzig 1-0 1899 Hoffenheim
VfB Stuttgart 2-1 Borussia Mon’bach
FC Schalke 04 2-1 Werder Bremen
Zirtawpni inkhel
VfL Bochum 1848 1-1 Borussia Dortmund