Dubai-a hotel ropui The Atlantis Royal hawnna, January ni 21 a neihah Beyonce chuan sawmbik te tan concert a nei a, minute 75 vel zet perform-in, a fanu Blue Ivy, kum 11, nen ‘Brown Skin Girl’ an sa dun nghe nghe a ni.
-- Advertisement --
The Hollywood Reporter-in a tarlan danin Beyonce hian Brown Skin Girl hla a sak dawnah, “Khawiah nge ka fanu vun uk ho kha? Ka naute duat, ka brown skin girl, Miss Blue Ivy Carter lo lawm ang ule,” tiin a fanu hi ko chhuak a ni.
Brown Skin Girl hi Beyonce leh a fanu Blue Ivy ten Grammy an dawn phahna kha niin, nikum khan best music video award an dawng a, Dubai stage-ah hian an nufain lam te pawh an han thai ve deuh a ni.
The Atlantis Royal hawnnaah hian Beyonce pasal Jay-Z leh an fate bakah Tina Knowles-Lawson leh Mathew Knowles te pawh an tel a, milar zingah Kendall Jenner, Rebel Wilson, Ellen Pompeo, Winston Duke, Letitia Wright, Liam Payne, Chole x Halle, Bar Refaeli leh Swedish House Mafia te pawh an tel.