BFC-in ISL final lut

BFC-in ISL final lut
Bengaluru FC chuan Pathianni khan penalty shootout hmanga Mumbai City FC hnehin Indian Super League (ISL) final an lut a, Inrinni final-ah ATK Mohun Bagan leh Hyderabad FC inkhela chak zawk zawk an hmachhawn ang.
March ni 7 khan Mum-bai-ah Bengaluru FC leh Mumbai City FC hian semi-final first leg khelin, League Shield winners Mumbai City lakah sikhat faiin Bengaluru FC an chak a, Pathianni khan Bengaluru khuaah semi-final second leg khel lehin, extra time an khelh zawhah Mumbai City-in 2-1- hnehna an chang a, heti chinah hian khelh hnih belhkhawmah team pahnih hi 2-2-in an in-hnehtawk a, tie-breaker hmanga chak zawk zawn-naah Bengaluru FC goal-keeper Gurpreet Singh Sandhu chethain, a che hero a, 9-8-in Bengaluru FC an vannei ta zawk a ni.
Second leg inkhel tan tir lamah Sandhu hian penalty dangin, shootout tawpnaah penalty a ‘save’ leh a, Bengaluru damna thlentu a ni.
Tarlan takangin, extra-time khelh zawh thlenga chak zawk an la awm loh hnuah spot-kick hmanga pawhthen an ngai a, penalty tum 16 chhuihluh a nih hnuin Sandhu chuan Mehtab Singh-a pet a dang a, chutah, Sandesh Jhingan chuan BFC final luhna spot-kick chhuih-lutin, result tarlan hman loh semi-final second leg lehlama ATK Mohun Bagan leh Hyderabad FC inkhela chak zawk zawk nghakin Bengaluru FC-in ISL final an lut.
Pathianni Bengaluru inkhelah mualneitu team Blues-in first leg-a 1-0 hnehna an chan tawhna hre rengin inrintawkna sang tak nen bul an tan a, mahse, a tir lam minute 10 chhunga goal thun theihna hun remchang hmu hmasa zawk chu Mumbai City FC niin, box chhungah BFC keeper Sandhu chu Jorge Diaz lakah a chesual a, penalty chawiin, Mumbai tan Greg Stewart chu penalty pet turin a penchhuak a, a tihsual siamthain India goal-veng Gurpreet Singh Sandhu chuan a penalty chawi a ‘save’ hlauh.
First half laihawlah mikhual Islanders che-sual zawkah tangin, veilam sira tan khawh Siva Narayanan chuan Javi Hernandez tan siam-sakin, Spanish attacking midfielder hian Mumbai City FC goalkeeper Phur-ba Tempa Lachenpa dan zawh loh goal minute 22-ah a khung a, aggregate-ah 2-0-in Blues-in hma an hruai ta a, nuamsaa final lut zui thei tura ngaih ngheh titih an ni hman!
Pathianni zan bika goal khat an chhuah hnu-ah Islanders an harhthar a, darkar chanve an khel tling tihah Sandhu tan chetna siamsak lehin, Bengaluru keeper hian Rowlin Borges-a goal tur dansak mah se ball perlet hmangin ven loh Bipin Singh chuan mikhual siphurh a sut a; second half minute 66-ah Mumbai City FC hian he match-a an hmahruaina leh khelh hnih belhkhawma 2-2 a nihna goal thun zui lehin, he goal hi corner atanga Mehtab tauhluh a ni.
Minute thum a liam leh tihah Mumbai goal-veng Lachenpa chuan Hernandez-a shot dan-sakin, extra time khelh ngaiin hun pangngai a zo a; hun pekbelh minute 30 chhung hianteam pa-hnihin ‘chance’ tha tia sawi tur an nei lo ve ve a, goal dang a luhbelh zawh loh hnuah penalty pet hmanga chak zawk zawn a ni a, Bengaluru FC an vannei ta zawk a ni.