Mallorca khuaa ATP tennis tournament-ah Yuki Bhambri leh a South African kawppui Lloyd Harris thawkdun chuan men’s doubles final-a an khingpui Dutch-Austrian pair Robine Hasse leh Philipp Oswald laka 6-3, 6-4 hnehna changin, tun hi Bhambri tan ATP World Tour-a title a sualchhuah vawikhatna chiah a ni.
Mallorca Champion-ships hi grass court-a khelh mi niin, Wimbledon Championships atana inbuatsaihna hnuhnung a ni a, Indian player Bham-bri tan London grass-sourt grand slam atana inrintawkna siamsaktu a ni ngei ang.
Naktuka kum 31 tling chiah tur Bhambri hi Spain rama an champion lai hian world ranking-ah 75-na niin, vawiina ranking thar tarchhuah turah a career-a a tawnsan ber hun thlengin 58-na a luah dawn a, birthday present a dawng hma hlek dawn a ni.
Hliamin a singles career a bawhbuai fo thin avangin Bhambri hian Tour-ah singles lam hawisanin doubles lamah a insawrbing ta a; a chipui Saketh Myneni nen an inkawp deuh chawt thin a, kumin hian Non-thaburi leh Girona lamah Challenger title pahnih an la dun tawh nghe nghe.
Mallorca lama an inkawp loh chhan hi Myneni chawlh lak det vang niin, Wimbledon Championships lamah erawh an tangdun leh dawn a ni.
Bhambri kuta ATP doubles title hmasaber
Get real time updates directly on you device, subscribe now.
Next Post