Morgan Wallen chu kar khat chhunga US-a zaithiam lar ber niin, Billboard Artist 100 chart-ah a No.1 a, he chart-a a No.1 tawh zawng zawng belhkhawm chu kar 10 a tling ta. Hetihrual hian U2 leh BTS member Jimin te pawh chart top 10-ah an lang.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat chhunga US-a an album leh hla hralh tam dan te, streaming leh radio airplay te chu tehna pawimawh a ni.
Morgan Wallen hian a album ‘One Thing at a Time’ leh he album-a hla te hralh that zar a la zo a, a album, hla 36 awmna hi kar khat chhunga copy 2,09,000 hralh lehin Billboard 200 (albums) chart-ah a kar thum nan a No.1 a, a album dang ‘Dangerous: The Double Album’ pawh copy 42,000 hralh lehin Billboard 200-ah chart No.7 a la ni pha bawk.
‘One Thing at a Time’ album-a a hla 36 zinga hla 28 te chu Billboard Hot 100 chart-ah an lang a, chung zingah chuan ‘Last Night’ chu No.2 a ni a, a hmain chart No.1 te pawh a lo ni zak zak tawh.
Morgan Wallen hi Billboard Artist 100 chart-a kar 10 a No.1 tlinna chiah niin, he chart-a kar 10 chin No.1 ni thei zaithiam 11-na a ni. A nawlpuia lakah Taylor Swift chu he chart-a No.1 ni ngun ber niin, a No.1 tawh zawng zawng belhkhawm chu kar 64 a tling tawh a, Drake (37), The Weeknd (28), BTS (21), Adele (20), Ariana Grande (15), Justin Bieber, Post Malone leh Ed Sheeran (14 theuh), Billie Eilish (12) leh Morgan Wallen (10) an dawt.
U2 chu Artist 100-ah No.5 niin, ani pawh hi an album tar, hla 40 awmna ‘Songs of Surrender’ hralh that zar zo an ni a, he album hi copy 46,000 hralhin Billboard 200 (albums) chart No.5-ah a debut a, he album-a an hla Hot 100 chart-a lang thei an nei nual bawk.
BTS member Jimin pawh Artist 100 top 10-ah a debut a, he chart-a solo artist anga top 10-a a lan vawi khatna a ni a, BTS member zingah solo anga he chart top 10-a lang thei pathumna a ni bawk (chart-ah hian nikum December khan RM chu No.6 a kai a, November-ah Jin chu No.10 a kai tawh bawk).
Artist 100 Top 10:
1 Morgan Wallen
2 Taylor Swift
3 SZA
4 Miley Cyrus
5 U2
6 Luke Combs
7 The Weeknd
8 TWICE
9 Drake
10 Jimin
Billboard Artist 100-ah Wallen a No.1
Get real time updates directly on you device, subscribe now.
Prev Post