Billboard Global 200-ah HUNTRIX ‘Golden’ a hlu berA vawi khat nan chart top 10-ah Hindi hla a lang

On Jul 31, 2025 11 0

Billboard Global 200-ah HUNTRIX ‘Golden’ a hlu ber
A vawi khat nan chart top 10-ah Hindi hla a lang
KPop Demon Hunters film soundtrack HUNTRIX “Golden” chu Billboard Global 200 chart-ah a No.1 a, hetihrual hian tunlai Hindi film lar tak, a film-a a changtupa Ahaan Pandey leh Mizo nula pakhat inngaizawng anga sawi avanga kan ramah pawh a film hming kan hriat lar tak viau ‘Saiyaara’ soundtrack chu top 10-ah a lang a, he chart top 10-a Hindi hla a lan vawi khatna a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian khawvel ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
HUNTRIX (aw thawhtu te- EJAE, Audrey Nuna & REI AMI) “Golden” hian stream maktaduai 98.5 leh sales 8,000 nei lehin, chart-ah a No.1 leh ta a, a zawn lovin he chart-a vawi hnih a No.1-na a ni.
KPop Demon Hunters soundtrack dang, Saja Boys (aw thawhtu te- Andrew Choi, Neckwav, Danny Chung, Kevin Woo & samUIL Lee) “Soda Pop”-in stream maktaduai 51.6 leh sales 4,000 nei lehin, No.6 atangin No.5-ah a insawn a, he film soundtrack dang Saja Boys “Your Idol” chu No.5 atangin No.6-ah a tawlh ve thung.
Chart-ah kar 10 No.1 ni thei, Alex Warren hla hit ‘Ordinary’ chu No.4 atangin No.2 a kai thar leh a, BLACKPINK “Jump” chu No.1 atangin No.3-ah a tawlh a, Justin Bieber ‘Daisies’ chu No.3 atangin No.4-ah a tawlh ta bawk.
Bollywood film Saiyaara soundtrack, Faheem Abdullah “Saiyaara”-in stream maktaduai 98 leh sales 1,000 neiin, No.177 atangin No.10-ah a invawrh a, ‘Saiyaara’ hla satu Faheem Abdullah hi Indian artist zinga he chart top 10-a lang thei hmasa ber a nih bakah a hla pawh hi he chart top 10-a Hindi hla lang thei hmasa ber a ni bawk.
Billboard Global 200
Top 10:
1 Golden – HUNTR/X: EJAE, Audrey Nuna & REI AMI
2 Ordinary – Alex Warren
3 Jump – BLACKPINK
4 Daisies – Justin Bieber
5 Soda Pop – Saja Boys: Andrew Choi, Neckwav, Danny Chung, Kevin Woo & samUIL Lee
6 Your Idol – Saja Boys: Andrew Choi, Neckwav, Danny Chung, Kevin Woo & samUIL Lee
7 How It’s Done – HUNTR/X: EJAE, Audrey Nuna & REI AMI
8 Die With A Smile – Lady Gaga & Bruno Mars
9 APT. – ROSE & Bruno Mars
10 Saiyaara (From “Saiyaara”) – Faheem Abdullah