Billie Eilish ‘Birds of a Feather’ a la lar ber

Billie Eilish hla hit ‘Birds of a Feather’ chu kar khat chhunga khawvel huapa hla lar ber niin Billboard Global 200 chart-ah a No.1 a, he chart-ah a zawna kar hnih a No.1-na a ni ta. Hetihrual hian Hanumankind & Kalmi ‘Big Dawgs’ pawh top 10-ah a lang.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Billie Eilis ‘Birds of a Feather’ hian kar khat chhungin ram hrang hrang 200 chuangah stream maktaduai 85.5 a la tling thei a, download sales pawh 16,000 tlingin, hei hi chart-ah a No.1 pui leh ta a ni. He hla hi Billie Eilish hla he chart-a No.1 kai thei hmasa ber a ni.
Chart No.1 hlui Sabrina Carpenter ‘Espresso’ chu No.2-ah bawk awm lehin. Shaboozey ‘A Bar Song (Tipsy)’ chu No.4 atangin No.3-ah a insawn tharleh a, Carpenter hla dang, he chart-a kar hnih lo No.1 tawh ‘Please Please Please’ chu No.6 atangin No.4 a kai tharle a, Karol G ‘Si Antes Te Hubiera Conocido’ chu No.7 atangin No.5-ah a insawn a, he chart top 5-a Karol G hla lang thei pathumna a ni.

Billboard Global 200 Top 10:
1 Birds Of A Feather – Billie Eilish
2 Espresso – Sabrina Carpenter
3 A Bar Song (Tipsy) – Shaboozey
4 Please Please Please – Sabrina Carpenter
5 Si Antes Te Hubiera Conocido – Karol G
6 Who – Jimin
7 Good Luck, Babe! – Chappell Roan
8 Beautiful Things – Benson Boone
9 Big Dawgs – Hanumankind X Kalmi
10 Not Like Us – Kendrick Lamar