BJP candidate-te’n hming pe

BJP candidate-te’n hming pe
Aizawl Municipal Corporation (AMC) inthlan lo awm tura BJP candidate turte’n Nilaini khan hming an pe lut.
BJP hian ward 11-ah candidate an nei dawn a, chung mi 11-te chuan an dinna tur ward returning officer-te hnenah nomination an file a ni.
“AMC Election lo awm turah hian BJP Mizoram chuan BJP official candidate-te Aizawl khawpui hmasawnna atana Aizawl mipuite min vote pui theuh turin kan ngen che u a. AMC hian state danga municipal corporation-te anga hmalakna lian leh tha, state sorkar pawh nasa taka chhawk zangkhai thei tur khawpa hma lakna a awm theihna turin AMC-ah BJP sorkar kan neih a tul hle a, a chhan chu, Aizawl khawpui hi Mizoram mipui zatve dâwn awmna a nih avangin Mizoram hmelhmang lanna pawimah tak a ni a, hmasawnna tha zawk kan mamawh hle a ni tih a lang chiang hle a. Municipal Corporation hmalakna tur pawimawh hrang hrangah Central puihna hmanga hmasawnna bung thar tun aia thaa kan kalpui theihna tur a nih avangin min thlang tling turin BJP Mizoram chuan Aizawl mipuite kan sawm che u a ni,” tiin BJP chuan thuchhuah an siam.