BJP leh AAP te Delhi-ah inbeina hle

Delhi khawpuiah inthlan dawn boruak tang tak awmin BJP leh Aam Aadmi Party te inkarah inbeihna a nasa hle a. BJP tena Delhi Chief Minister chenna chu ‘Sheeshmahal’ tia an cheksawlh hnuah AAP leader te chuan Chief Minister chenna chu fanga thudik lailan ni se an ti ve thung a.
BJP te chuan a hma in AAP leader Arvind Kejriwal chu a chenna bungalo 6, Flagstaff Road chu mipui sum hmanga nasa taka cheimawi leh thawmthaah an puh a.
Hei hi AAP te chuan dawt tia sawiin AAP leader te chuan Civil Lines bungalow chu media te nena enfiaha fan leh chumi hnuah Prime Minister chenna 7, Lok Kalyan Marg chei that chu fan ni se tiin hma an la ani.
AAP MP Sanjay Singh leh Delhi minister Saurabh Bharadwaj tena media mi te hruaia Delhi Chief Minister chenna fan an tum hu police ten law and order chhuanlama siamin luh phal lovin an lo dang ta a ni.
Sanjay Singh chuan officer te chu eng vanga dan nge an nih zawtin MP leh cabinet minister te eng vanga dang nge an nih a zawt a.
“Eng vangin nge building chhung kan luh in remtihloh? BJP ten dawt theh darhin building chhungah golden toilet, swiming pool, minibar te a awm an tia, chung te chu min hmuhtirin media te hian hmu ve se la” tiin Singh chuan a sawi.
Bharadwaj chuan eng vanga dang gne an nih police te chu zawt nawnin, “Ka chunga awm chun chu Lieutenant Governor a ni a. Min dang turin tu in nge thu pe che u” tiin a sawi.
“BJP te dawt sawi lailanin a awm a, tunah chuan BJP tih hi Bharatiya Jhootha Party an ni tawh. Thla tam tak BJP te chuan Chief Minister chennaah golden toilet, swimming pool leh mibibar a awm an ti a. vawiinah hian a hmunah kan hruai che u a, chung te chu in hmu em? Mi pahnih dan nan water cannon te an chhawp a, police tam tak an chhawp bawk a, firfiak kan ni em ni? Eng vangin nge min dan? A awmzia chu BJP ten dawt an sawi vang a ni. Minute 10 kan nghak ang a, BJP te hian thudik an sawi a nih chuan Chief Minister chenna hi hawngin kan luh remti rawh se” tiin Singh chuan a sawi bawk.
A hnuah AAP leader te chuan Prime Minister chenna panin enfiah an tum chu police ten an lo dang leh a ni.
Delhi Chief Minister official residence chu corruption case kaihhnawiha Kejriwal a inhnuhdawh hnuah luah lohin a awm ta reng a. Kejriwal chuan mipui tena an ngaihdan inthlan hmanga an lantir hnuah chauh a official residence ah chuan a let leh chauh dawn tiin a sawi a ni.
BJP te chuan AAP te chu ‘Sheeshmahal’ tia beih nan bera hmangin CAG report chuan a tipunlun bawk a. CAG report November thlaa a hna atanga chawl ta Grirish Chandra Murmu file ah Delhi CM chenna in chu renovation tihnaah a tira ruahmanna aiin a let li in sum sen tam a ni a ti.
BJP te hmalaknaa sulsutu ber chu Prime Minister narendra Modi niin, “Delhi in Covid a do lai khan oxygen leh damdawi te zawn a nih lai khan AAP te chuan Sheesh Mahal chauh thupuiah an lo nei tih hria ula chu mak inti ang” tiin a sawi.
Aam Aadmi Party hruaitu Sanjay Singh chuan Prime Minister residence zawk chu fan tur a ni a ti a. “BJP ten Delhi Chief Minister residence chungchangah dawt an thehdarh a. Prima Minister palace Delhi a awm hi Rs 2,700 crore hu a ni a. Chief Minister chennaah kal ila chumi hnuah Prime Minister Narendra Modi dawt sawi lailanin a awm mai ang” tiin a sawi.