Supreme Court Coolegium chuan Patna High Court Chief Justice K. Vinod Chandran chu Supreme Court judge turin a ruat.
Collegium hi Chief Justice of India Sanjiv Khanna kaihhruai niin tun dinhmunah bench of Supreme Court ah hian High Court of Kerala atangin judge an awm lo thung a. Karkalta khan kerala High Court a awm thin Supreme Court judge, Justice C.T. Ravikumar chu a chawl a ni.
Justice Chandran hi Kerala chhuak High Court judge zinga senior-most ni mek a ni a.
Supreme Court Collegium chuan Bombay High Court Chief Justice Devendra Kumar Upadhyaya chu Delhi ah a sawn a, Telangana High Court Chief Justice lok Aradhe chu Bombay High Court ah a dah thung.
Justice Chandran ruatna hi Union government in a pawm fel veleh Supreme Court chuan January 31, 2025 a Justice Hrishikesh Roy a chawlh hma chuan full sanctioned judicial strength judge 34 an awm dawn a ni.
Justice Chandran hi November 8, 2011 khan Kerala High Court judge atana ruat a ni a, March 29, 2023 khan Patna High Court Chief Justice atan kaisantir a ni a. High Court judge ah kum 11 chuang thawk tawhin Chief Justice kum khat chuang a ni bawk a. all-India seniority of High Court Judges ah senior lamah 13 na a ni mek bawk.
Supreme Court in judge thar nei dawn
Get real time updates directly on you device, subscribe now.
Prev Post
Next Post