Black Sabbath final live concert-a GNR, Tool leh Jason Momoa te pawh inlan dawn

Black Sabbath final live concert-a GNR, Tool leh Jason Momoa te pawh inlan dawn
Black Sabbath final reunion concert-a inlan tur an puan belh zingah Guns N’ Roses, Tool leh Jason Momoa te an tel thu Ozzy Osbourne cuan a Instagram-ah a puang. He show-ah hian Metallica, Slayer, Anthrax, Pantera, Lamb of God, Mastodon, Alice in Chains, Halestorm leh Gojira te an inlan tur thu an lo puang tawh bawk a ni.
Live show-a Ozzy perform-na hnuhnung ber ni tawh tur Back to the Beginning show an tih hi July ni 5, 2025 hian Villa Park, Birmingham, England-ah neih a ni dawn a, a show hi Aquaman changtupa Jason Momoa’n a host dawn a, Rage Against the Machine guitarist Tom Morello chu musical director a ni ang. He show-ah hian Revival Sons, Red Hot Chili Peppers drummer Chad Smith, songwriter-producer Andrew Watt leh Bassist Dave Ellefson te pawh an inlan dawn e.
Tun thla tir khan Black Sabbath live performance hnuhnung ber neih tur thu hi an lo puang tawh a, an classic lineup Ozzy Osbourne, guitarist Tony Iommi, bassist Geezer Butler leh drummer Bill Ward te chu a tawp nan an cheho leh dawn a, kum 20 chuang hnua an play-ho lehna hmasa ber leh a tawpna a ni nghal dawn a ni.
Ozzy pawh i December ni 31, 2018 kha concert puitling a inlanna hnuhnung ber a ni tawh a, a hnu lawkah Parkinson’s disease a nei tih hriatchhuah niin, hei hian a performance a nghawng nasa ve hle a, tunah chuan mahni tawka chevel thei pawh a ni ta meuh lo a, a final show-ah pawh hian thu chungin a perform a ngai tawh dawn a ni.