BLACKPINK-in Spotify record an siam

On Mar 10, 2023 37 0

BLACKPINK-in Spotify record an siam
K-pop girl group BLACKPINK chu Spotify-a hmeichhe group strame nasat ber niin, Guinness World Record an siam. BLACKPINK hla hrang hrang te Spotify-ah hian vawi 8,88,00,30,049 stream niin, record hi an siam ta a ni.
BLACKPINK member Lisa, Jennie, Rose leh Jisoo te hian record dang pawh an lo siam nual tawh a, kum li kalta khan Coachella-a K-pop gril group perform thei hmasa ber an lo ni tawh a, kumin Coachella-ah pawh BLACKPINK hi an inlan leh dawn tih an puang tawh a, Asian act zingah he annual music event-a inlan nawn thei hmasa ber an ni dawn a, April ni 15 leh ni 22-ah te Coachella hi an headline dawn a ni.
BLACKPINK hian an album pahnihna ‘Born Pink’ chu nikum October khan Billboard 200 (albums) chart No.1 an kaipui a, YouTube-a music video darkar 24 chhunga entu ngah ber record te pawh an lo siam tawh bawk a ni.
BLACKPINK member Jennie chuan, “Kan zavaiin min barakhaih. Kan record zawng zawng hi kan fans, BLINKs ten tawp chin nei lova min support thin vang chauha siam thei kan ni,” a ti a, “Pressure min pe tu ni lo va, nitin lawmna tur kan neih te hmuh thiam zel hi kan tum zawk a, annin (fan-te) min pek ang hi pek let ve zel kan tum a ni. Kan suangtuah phak baka kal tura min fuihtu te an ni si a,” a ti bawk.