Naupiang thla kim lo nasa ber ten kum an tling ta

Nuin nau hi thla kua an pai thin a, thla kim lova piang pawh an awm ve fo a, mahse, thla sarih emaw thla riat emaw a piang te an ni thin, phir, Adiah leh Adrial Nadarajah te erawh thla ngaah an piang a, Guinness World Record-in naupiang dam chhuak zinga thla kim lo nasa bera an puan te kha an ni a, tunah chuan kum khat an tling ve ta.
March ni 4, 2022 a piang kha an ni a, kar 22 (ni 126) chiah an nuin a pai a, an zai chhuak ta a ni. An pian hlim hian gram 330 leh gram 420 a rit an ni a, doctor te pawhin an dam chhuah theihna chance hi ‘a awm lo’ an ti hial a ni. Record dang pawh an siam a, chu chu phir, an pian hlima an rihna belh khawma zâng ber an ni bawk.
Adiah leh Adrial te hi an pian hlimah an tê hle a, an vun te pawh a langtlang thei niin an sawi hial a, thla ruk chhung damdawi inah enkawl zui an ni a, thluaka thi tling leh sepsis te an nei zui bawk nen, doctor-te chuan dam chhuak turah pawh an ngai lo va, mahse, vanneih thlak takin thla ruk hnuah damdawi in an chhuahsan thei ta a ni.