World Enduro Champion tum nga lo ni tawh Ivan Cervantes chuan Triumph Tiger 1200GT Explorer hmangin darkar 24 chunga km 4,012.53 a thui a tlan hman a, mahni chauha darkar 24 chhunga two-wheeler hmanga tlan thui thei ber record a siam.
Cervantes ian Nardo High-Speed Ring, Italy-ah record hi a siam a, lap 317 tlanin, a tlan chak lai chuan 200kmph a chak te pawhin a tlan hman a, mahse, darkar 24 chhunga a tlan chak zawk chawhrual chu 167.79 kmph a ni.
A hmaa hetiang record chu American Carl Reese-a’n February ni 26, 2017-a a siam niin, darkar 24 chhungin km 3,406.17 a tlan hman a, he record hi Cervantes hian darkar 19 chhungin a khum hman a ni. Heti hian Cervantes hian record dang pawh a siam nghal a, nikhat thil thua km 4000 chin mahni chauha lirthei khalh thei hmasa ber a ni bawk.
A motorcycle khalh hi engmah tihdanglam a ni lo a, company kutchhuak ang thlap a ni. Darkar 24 a tlan chhung hian a tui thun leh a tyre thlak velin tum 18 pitstop a nei a, petrol litre 520 a hmang hman bawk a ni.
Darkar 24 chhunga tlan thui record siam
Get real time updates directly on you device, subscribe now.
Next Post