BP sang tana exercise tha

BP sang tana exercise tha
BP sang nei tan nitin minute 30 tal eng exercise emaw tal tih ngei a tha. Lung (heart) a thisenzamtê, arterioles an tih mai te hi a lo insawr zim chuan BP a lo ti sang (hypertension) thin. Awm âwl leh eitui, zu in leh mei zuk te pawh BP sang awmtir theitu langsar pawl an ni. BP sang hian thil pawizawk, thluaka thisenzam chat/block (stroke), blood clot, artery chhia, kal tha lo (kidney failure) leh lungphuchawl te pawh a thlen thei.
BP sang nei tan chuan ei leh in lama in-control theih a pawimawh a, chutiang bawkin taksa sawizawi pawh a pawimawh. Tun tumah hian Times of India-in BP sang nei te tana exercise lak harsa si lo, tha ve tho si ni a an sawi te kan rawn tarlang e.
1. Ke a kal: Kein kal tam rawh, exercise i la ngai lo a nih phei chuan vawi lehkhatah ti thut lovin, zingah emaw tlaiah emaw ke a kal (walk) tein bul tan ang che. Step leh kawng chho deuh te pumpelh dan ngaihtuah lovin kal tum hram zawk ang che. Hei hian heart rate a tichak thei.
2. Weight training: Rit chawi zawnga exercise lak hi tha sen a ngai deuh thin a, mahse, BP sang neite tan chuan exercise tha tak a ni, thihrawl a tichak a, rihna a tihniam thei bawk.
3. Cycling: Thirsakawr khalh hi exercise lak dan nuam deuh chi a ni, taksa a sawizawi rualin, lung natna risk a tihniam thei a, BP sang pawh a tihniam thei. Thirsakawr khalh hian metabolism a tichak thei bawk.
4. Aerobics: Aerobics hi BP sang nei tana exercise tha tak a ni, cholesterol chhe chi leh lung natna risk a tihniam thei a, dul a thau awm paih nan a tha bawk. Hetiang exercise hi chu mahni in chhungah pawh tih mai theih a ni a, hmanraw dang pawh a ngai lo.