BP sangin cancer risk tisang

BP sangin cancer risk tisang
BP (blood pressure) sang i nei a nih chuan BP sang nei ve lo te aiin cancer neih theihna risk i nei sang zawk a, cancer vanga thih theihna risk pawh a sang lehzual niin mithiam ten an sawi.
King’s College London hnuaia Cancer Epidemiology Group a mithiam ten mi 6,00,000 dawnah zirchianna hi neiin BP sang te chu 10-20 per cent-in cancer neih theihna risk an nei sang zawk niin an sawi.
Zirchianna neitu te chuan mipa 2,89,454 leh hmeichhia 2,88,345, Norway, Austria leh Sweden a cheng te chu kum 12 zet an blood-pressure data leh cancer incidence bakah death rate te an chhui zui a. Hetih chhung hian mipa 22,184 leh hmeichhia 14,744 te chuan cancer neiin, mipa 8,724 leh hmeichhia 4,525 te chu cancer vangin an thi.
Mipaah chuan an BP a sanin ka chhung (oral), chaw paiTawih te kan paihchhuahna kawng (bowel), chuap, phing leh kal cancer risk te a sang a, hei bakah hian melanoma leh non-melanoma skin cancer risk a sang tel bawk niin an sawi.
Hmeichhe BP sangah chuan thin (liver), pancreas, cervix, womb leh melanoma skin cancer risk te a sang ve thung niin an sawi bawk.
Zirchiannaa an hotu Dr Mieke Van Hemelrijck chuan, “Kan zirchianna aTangin blood pressure hi cancer risk ti sangtu a ni tih kan hmuchhuak a, mahse, kan hriat tur chu BP sangin amah ngau ngauin cancer a siam kan ti lo, cancer risk a ti sang e, kan ti mai a ni. BP sangin cancer risk a tihsan chhan pawh hi kan la hre mai lova, kan zir leh dawn a ni,” a ti.
He zirchianna chungchang hi European Multidisciplinary Cancer Congress, Stockholm-a neihah chhawpchhuah a ni.