‘Mermaid’-in a record khumin record thar a siam

‘Mermaid’-in a record khumin record thar a siam
Tui hleuh thiam, a hming lema ‘Mermaid Merle’ an tih chuan Florida-ah mermaid ang deuha monofin vuah chungin mel 30 a thui tui a hleuh a, Guinness World Record a siam. A hmaa monofin hmang chunga tui hleuh thui record pawh ama siam tho niin, 2022 khan mel 26.22 a thui a hleuh a, he record hi a rawn khum leh ta a ni.
Monofin chu sangha mei ang deuh pakhat an ke pahnih inzawmin an vuah a, mermaid mei te pawh an ti mai a ni. Mermaid Merle hi a hming tak chu Merle Liivand a ni a, ‘Eco Mermaid’ tih te pawhin an sawi Thin a, tuipui bawlhhlawh tur vawn fai leh tih thianghlim chungchangah a tlangau nasa Thin bawk a, hetianga record a siam pawh hi tuipui humhalh leh vawn thianghlim kawnga mipuiin awareness Tha zawk an neih theih nana a tih a ni.
Liivand hian darkar 14 leh minute 15 chhung monofin hmang hian Miami-a Biscayne Bay-ah tui a hleuh a, chutih chhung chuan mel 30 a thui a hleuh hman a, a tui hleuh pah hian tuipuia hnawmhnawk awm a hmuh ang ang a thianfai nghal zel a, hnamhnawk pound 20 (kg 9 vel) a chhar khawm hman a ni.