Brighton in Chelsea an hnar

Brighton in
Chelsea an hnar
Premier League club Brighton & Hove Albion chuan an midfielder Moises Caicedo lak tuma dawrtu Chelsea chu a tum thum nan an hnar nawn leh.
London club lian Chelsea hian kum 20 mi Caicedo hi an mual lai thuamchak turin an duh viau a, tum hnih lak tumin Brighton an dawr hlawh-cham tawh. |um hnih hnar ni tawh mah se Blues an beidawng duh chuang lova, Ecuador midfielder hi £80m a lei tumin an dawr nawn leh. A hmaa sum an tawktarh aia tam tawktarh tawh ngei bawk mah se Brig-hton an hmin thei chuang lova, Europa League khel tur Brighton hian a lungthu kim nan an hnar.
Brighton manager Roberto de Zerb mid-fielder chuan Caicedo hian season thara a ruahmannaah hmun pawimawh tak a la chan thu a sawi a. An hnenah cham chhunzawm ngei turin a la duh viau bawk. USA a inbuatsaihna an neihnaah pawh Brighton hian an hruai tel a. Inrinni zinga Newcastle an hmachhawn hunah pawh an chhawr ngei tura ngaih a ni.
He rawlthar midfielder tha tak Caicedo hian duhtu a nei hrawl thei viau. January thla khan Arsenal in lak an tum a, Gunners a zawm hman teuh hle. Arsenal pan a duh vangin Brighton hnenah chhuah dilna a thleh lut hial. Chhuah dil hial mah se Brighton in an chelh a, March 2023 khan kum 2027 thleng cham turin contract thar an ziahpui leh ta hial. Club lian zawk pan duh viau mah se Brighton in an chhiar to vangin a hma lam hun a la chiang thei rih lo.