British foreign minister-in India tlawh dawn

British Foreign Minister Yvette Cooper-i chuan Thawhtanni hian China a pan dawn a, kar tawp lamah India a tlawh zui dawn a, Strait of Hormuz leh Russia leh Ukraine indona atanga tun hnaia Ebola leng thlenga khawvel thila thil thlengte a sawipui hlawm ang.
Cooper-i hian Thawhlehni hian Chinese Foreign Minister Wang Yi leh Chinese Vice President Han Zheng te a kawm dawn a, a tukah chhim lama Shenzhen-ah tech hub ⁠science leh technology lam hawi programme-a tel turin a kal zui ang.
Cooper-i’n khawvela economy lian pahnihna leh parukna, China leh India a tlawh tur hi khawvela ram inepna nasa tak a awm lai a ni a, US-Israel tang dunin Iran an do hnua tuialhthei man a san lai leh Britain-in eibara tlakhniamna a tawn mek lai a ni.
Ninganiah India a thlen beisei a ni a, External Affairs Minister S. Jaishankar bakah UK-India Vision ⁠2035 hmalakna tihlawhtlingtu entrepreneur, lehkhathiam leh sorkar thawhpui te a kawm ang.
Ram pahnihte hian nikum khan free trade deal an ziak a, hei hi an inkara sumdawnna tihpun leh kawng hrang hranga thil zawrhna tihchangtlun tumna a ni.
British sorkar chuan Cooper-i’n ‘heng ram lian pahnih a tlawh tur hi khawvel puma harsatna lian ber berte hmachhawn dan tur ngaihtuah a nih beisei a ni’ a ti.