Brooklyn Beckham chungchangah Victoria a \awngchhuak

David leh Victoria Beckham te fapa, Brooklyn Peltz Beckham titau talhiar velin an chhungkaw boruak a chawhbuai viau laiin nu ber Victoria a ngawi rauh rauh a. Brooklyn hian a chungte nena inrem leh tumna a neih loh thu leh a nupui Nicola Peltz Beckham nena an inkar tihchhiat tumah a nu leh pate a puh tlat avangin Pi Beckham-i a tawng chhuak ve ta a ni.
The Wall Street Journal-in April ni 16-a article an tihchhuahah Victoria Beckham chuan, “Fate tana nu leh pa tha thei ber nih tumin kan thiam ang tawkin kan bei ve a. Inhriat angin hei kum 30 chuang mah chu mipui fukna kan lo ni ve ta a, chutih chhunga kan tum ber pakhat chu kan fate venhim leh hmangaih taka enkawl hi a ni. Chu chu ka sawi duh awm chhun a ni mai e,” a ti.
Kumin kumtir lam khan Brooklyn hian a chhungte a tuithlar thu hi a rawn tlangaupui chiam kha a ni a. A nu leh pa ten a nun control an tum reng chu a kham tawh thu leh chu nun chep tak atanga a talchhuah tak thu te rawn sawi chhuakin, a chhungte leh a nupui inkar boruak te rawn au puii, a chhungten a nupui chu an pawm lo a, an nupa inkar tihchhiat an tum ti tein a nu leh pa te hi a rawn puh deuh chiam chiam a nih kha.