BTS-in 2025 Festa Celebration neih dan tur an puang
BTS chuan 2025 FESTA, an group kum 12 tlin champha lawm dan tur thenkhat an puang a, offline celebration chu June ni 13-14 hian KINTEX Exhibition Center 2, Goyang, South Korea-ah neih a ni dawn a, he event hi mipui tan hawn a ni ang a, FESTA-theme game zone, DIY photo card station leh BTS album artwork zul a bang chei te pawh a awm ang.
He event chhimtute tan darkar bi tinah light show awmin, voice zone-ah BTS member te message a awm ang a, archive exhibit BTS album cover, trophy hrang hrang leh member te personalized locker te pawh a awm ang.
BTS member te hi kumin FESTA-ah hian an inlan dawn em tih leh an perform dawn leh dawn loh chu puan a la ni lo. 2024 FESTA-ah khan a sipai tan hun zoin Jin a inlan a, sipai nunchan a zir zawh a mipui hmaa a inlan lehna hmasa ber niin, fans 1,000 zet amah ngeiin kuahin lawmna hun an hmang a, a solo track ‘The Astronaut; leh ‘Super Tuna’ bakah BTS hla ‘Moon’ a perform bawk. BTS member dang te erawh an sipai tan lai a nih avangin nikum FESTA-ah an inlan lo a, fans tana thuthawn erawh an nei vek thung.
BTS-in 2025 Festa Celebration neih dan tur an puang
Get real time updates directly on you device, subscribe now.