BTS-in Billboard Global 200 chart top 10-ah hla 9 an nei

BTS hla thar ‘Swim’ chu Billboard Global 200 chart No.1-ah a debut a, he chart-a an hla No.1 kai thei pariatna niin, he chart-a No.1 kai thei hla ngah ber an nihna an sawhnghet lehzual a ni. He hla hi an No.1 album ‘ARIRANG’ atanga an lead single niin, Billboard Hot 100 (US singles) chart No.1-ah a debut tawh bawk. Tunkar Billboard Global 200 chart top 10-ah hian No.1 atanga No.9 thlengin ‘ARIRANG’ a hla vek a lang thei bawk a ni.
ARIRANG hi 2020 hnua an group album tlangzarh leh hmasak ber niin, tunkar chart top 9 he album-a hlate hian an hauh thei a, Taylor Swift record an rawn nih rual a, he chart top 10-a tum khata hla ngah ber an ni. Swift hian a album ‘The Tortured Poet Department’ a hlate chu May 2024 thla tir chart-ah No.1 atangin No.9 a lo hauh pui tawh a, tihian Swift leh BTS te chiah hi tum khata album pakhata hla he chart top 9 hauh pui thei awm chhun an la ni.
Tunkar chart top 10-a BTS hla ni lo lang thei awmchhun chu PinkPantheress leh Zara Larsson ‘Stateside’ niin, No.1 atangin No.10-ah a tawlh.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
Billboard Global 200 chart top 9-a lang thei BTS hla te chu:
No. 1, “Swim,” 108.8 million official streams / 221,000 sold
No. 2, “Body to Body,” 65 million streams / 35,000 sold
No. 3, “Hooligan,” 50.2 million streams / 21,000 sold
No. 4, “FYA,” 48.2 million streams / 20,000 sold
No. 5, “Normal,” 45.8 million streams / 21,000 sold
No. 6, “Aliens,” 44.2 million streams / 19,000 sold
No. 7, “Like Animals,” 43.3 million streams / 20,000 sold
No. 8, “2.0,” 42.8 million streams / 18,000 sold
No. 9, “Merry Go Round,” 40.7 million streams / 17,000 sold