BTS ‘Take Two’ a lar ber
BTS hla thar, an group kum 10 tlin lawm nana an tihchhuah ‘Take Two’ chu Billboard Global 200 chart-ah a No.1 a, he chart-a an hla No.1 ni thei pasarihna a ni. Billboard Global 200 chart hi khar chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
BTA ‘Take Two’ hi June ni 9-a an tlangzarh kha niin, June ni 15 thlengin khawvel huapin kar khat chhungin stream maktaduai 60.2 leh download sales 64,000 a tling a, hei hi chart-ah a No.1 pui ta a ni.
BTS hian Billboard Global 200 chart-a No.1 kai thei hla pasarih nei tawhin, he chart-a No.1 kai thei hla ngah ber an la ni a, an hla he chart-a No.1 kai tawh te chu- ‘Take Two,’ ‘My Universe’ with COldplay, ‘Permission to Dance,’ ‘Butter,; ‘Life Goes On,’ ‘Savage Love (Laxed – Siren Beat)’ with Jawsh 685 & Jason Derulo, leh ‘Dynamite,’ te an ni. He chart-a No.1 kai thei hla pathum nei Bad Bunny-a’n BTS hi a dawt.
He chart hi 2020 atanga an tih tan chauh kha a la ni a, BTS hian 2020, 2021, 2022 leh 2023-ah te he chart-a No.1 kai thei hla thar an la nei vek a, hetiang tithei awm chhun an la ni. Hetihrual hian Mariah Carey pawhin 2020,2021, 2022 leh 2023-ah te he chart-a No.1 kai thei hla a nei a, a hla hlui ‘All I Want fot Christmas Is You’ chu heng kum lo chhung hian kumtin vawi khat tal a la No.1 ziah a, mahse, Carey hi chuan hla thar zel nei lovin, a hla hlui, hla pakhat hmangin a No.1 ve thung.
Chart No.1 hlui Eslabon Armado leh Peso Pluma ‘Ella Baila Sola’ chu No.2-ah a tawlh a, Yng Lvcas leh Peso Pluma ‘La Bebe’ chu No.5 atangin No.3 a kai a, chart No.1 hlui Miley Cyrus ‘Flowers’ chu No.6 atangin No.4 a kai thar leh a, chart No.1 hlui bawk Bad Bunny ‘Where She Goes’ chu No.4 atangin No.5-ah a tawlh ve ta bawk.
Billboard Global 200 Top 10:
1 Take Two – BTS
2 Ella Baila Sola – Eslabon Armado X Peso Pluma
3 La Bebe – Yng Lvcas x Peso Pluma
4 Flowers – Miley Cyrus
5 Where She Goes – Bad Bunny
6 Bzrp Music Sessions, Vol. 55 – Bizarrap & Peso Pluma
7 Cupid – Fifty Fifty
8 Idol – YOASOBI
9 Calm Down – Rema & Selena Gomez
10 Un x100to – Grupo Frontera X Bad Bunny
BTS ‘Take Two’ a lar ber
Get real time updates directly on you device, subscribe now.
Next Post