Lunglei district-a Buarpui Primary Health Centre building sak mek chu a chhiat avangin vawthiat leh vek turin thuneitute an phut tih ZPM Thalai chuan an sawi.
ZPM Thalai Hqrs. thuchhuak chuan, Buarpui PHC sak lai March 6-a a slab chhun chim chu a hmunah an enfiah a. He building sakna’n hian cheng nuai 39 chuang ruahman a nih thu te, mi pathumin inthawh tawma an sak a nih thu te, building sak mek chu a chhiat hle thu leh slab atana iron rod an hman pawh ring rod atana hman thin, sin te te a nih thu te an sawi. Slab atana rod phan dan pawh a rinawmlo hle tih sawiin, ban leh ban inkar a zauin, a slab chimna beam chu a khi nasa hle tih an sawi bawk.
Bualpui NG khuaah PHC sak hna chhe lutuk avanga mipui thinrimin Bualpui NG PHC sak mek an chhutchhiat atanga thla tam pawh a vei hma hauh a, Buarpui PHC sak hna chhe tak mipuiin an hmu leh ta chu MNF sawrkar hnuaia Health department hlawhchhamna lian takah an ngai tih ZPM Thalai hian an sawi a. A changtu minister-in a department a enkawl zo loa an ngaih thu a sawi a ni.
‘MNF sawrkarah department hrang hrang hnuaia contract hna chhe lutuka thawh a ni thin hi mipui hmuhsitnaah kan ngai a. Buarpui PHC pawh hi sak zawm chi a nih loh avangin chhiatna lian zawk a thlen hmaa vawthiat tur leh a thara sa tha leh turin sawrkar kan phut a ni,’ a ti.
Buarpui PHC sak mek thiah leh phut
Get real time updates directly on you device, subscribe now.
Next Post