Zirlaite exam chawlh hman laiin ‘Holliday Sports’ buatsaih an tum tih Sports & Youth Services minister Robert Romawia Royte chuan a sawi.
Mizoram State Sports Council (MSSC) Sports Complex Muallungthu-a Synthetic Turf Football Ground chu Thawhlehni khan Sports minister hian a hawng a. Holiday hi zirlai naupang leh thalaiten phone khawih nan an hmang nasa hle a, hei hian an rilru leh taksa hriselna nasa takin a tihniam tih sawiin, “Sports & Youth Services deparetment chuan “Holiday Sport” buatsaih turin hma a la mek a ni a. Holiday Sport buatsaih a nih chuan naupang, thalai, nu leh paten playground-ah taksa sawizawiin hun tam zawk an hmang thin anga, chu chuan an rilru leh taksa hriselna nasa takin a pui thei dawn a ni,” a ti.
Mizorama synthetic football turf phahte chu quality tha tak tak, FIFA quality test paltlang tawhte pawh an awm tih a sawi a ni.
MSSC Sports Complex, Muallungthu-a Synthetic Turf Football Ground hi Ministry of Youth Affairs & Sports kaltlanga Khelo India Scheme sum hmuh nuai 500 senga sak niin, ACT Global company USA siam a ni.
Holliday sports buatsaih tum
Get real time updates directly on you device, subscribe now.
Prev Post
Next Post