“Food, Civil Supplies & Consumers Affairs Department-in mipuite hnena ration buhfai buk dik pek chhuah a tumna kal zelah Retailer-te hnen a\anga ngenna a dawn angin buhfai bag rihna 580 gram chu godown-ah paih (cut) \hin tawh tur a ni a, retailer ten buk dika buhfai an pek chhuahnaah buara bag rihna paih loh hi chhuanlamah an hmang tawh tur a ni Io”.
Khi khi nimina Food, Civil Supplies & Consumer Affairs Department thuchhuah a ni a. Thuchhuahah hian “Retailer ten Digital Weighing Scale (DWS) an hmang vek tur a ni a. An hmang Io a nih chuan dan anga hmalak a ni ang” tih leh “Retailer ten mipuite hnena buhfai an pek chhuahin buara rihna, a bukna hmanraw rihna te an chhiar tel tur a ni Io” tih a tel bawk.
Supply department hian, dik taka thil tih a nih theih nan \an an la chho mek a. Thil hi \um khata tihfel duak theih a ni lova, sap hovin ‘trial and error’ an tih ang deuh hian, a dik hmuh chhuah nan tihchhin tihchhin hi a ngai ve bawk a. Ram inrelbawlna fawng vuantute pawh an inthlak chhen chhan chu, mipuiin roreltu dik leh \ha an zawn \hin vang a ni pakhat. State dangah pawh, roreltu \ha leh dik an thlan fuh tawh vek vek chuan, a zawnin term nga te an tling nawn awn awn mai a nih hi.
Tuna supply department hmalakna pawh hi, a dik a lo chhuah hunah chuan dik takin a kal chho ngar ngar tawh maiin a rinawm.
Tunhma khan buhfai ip buara rihna gram 580 kha buhfai rihna anga chhiar tel zel a lo ni thin tihna a ni a, chu chu godown lamin Retailer ten buhfai an lak chhuah dawnin an cut ngai lo a, retailer-ten mipui hnena buhfai an pekchhuah dawnin hei hi chhuanlamah hmangin a buk tling lovin an pekchhuah phah \hin niin a lang.
Kudam leh Retailer inkar hi lo fel ta pawh ni se, Retailer-te hian digital weighing scale (DWS) an hman hian, buhfai dahna plastic container etc. rihzawng an paih leh paih loh hi eng tin nge mipuiin an hriat theih ang? tih hi zawhna awm thei a ni awm e. ‘Buhfai buk a nih dawnin DWS chu ‘0’ a nih leh nih loh buhfai latute hmuh theih tura tarlan (display) chu Retailer-te tih ngei ngei tur (compulsory) a ni’ tih hi supply department hian an tlangthan leh zeuh a \ul a ni mai lo maw, a tih theih awm e.
Buk dik
Get real time updates directly on you device, subscribe now.