C Ronaldo-a’n 2023-a infiammi hlawh tam ber record siam

Al-Nassr striker Cristiano Ronaldo chu Guinness World Records-in 2023-a infiammi hlawh tam berah an puang a, a record siam hriatpuina certificate pawh an hlan nghal. Kum 38 mi, Ronaldo hian thla 12 chhung, nikum June leh kumin May thla inkarah dollar maktaduai 136 a hlawh hman niin an tarlang a, Portugese football legend hi he list-ah a san ber vawi khatna a ni.
Nikum khan Ronaldo nena an khaikhin reng thin Lionel Messi chu kum khat chhunga infiammi hlawh hnem ber niin, kuminah dollar maktaduai 130 a hlawh phain, kuminah Ronaldo hnungah, No.2 a ni ta a ni.
Saudi Arabia lama sum tam tak rut tura kal ta Ronaldo hian khelmual atangin dollar maktaduai 46 a pet chhuak a, dollar maktaduai 90 chu khelmual pawn lam atanga a hlawh a ni ve thung.
Kulian Mbappe chu pathumna niin, dollar maktaduai 120 a hlawh pha a, NBA superstar LeBron James chu palina niin, dollar maktaduai 119 a hlawh a, boxer Canelo Alvarez chu pangana niin, dollar maktaduai 110 a hlawh ve thung.
Tennis star Roger Federer pawhin nikum khan tennis chawlhsan tawh mah se a kum khat sum lakluh chu dollar maktaduai 95.1 a la tling a, tennis player zinga hlawh tam ber a la ni thi a, hmeichhe lamah Serena Williams-i’n dollar maktaduai 45.3 hlawhin, hmeichhe tennis player zinga hlawh hnem ber a ni ve thung.
Cristiano Ronaldo hian record khum harsa tak tur a siam nual tawh a, international goal thun i 200 inkhelah an ram tan goal 123 a thun tawh a, Champions League-ah pawh goal khung hnem ber niin, goal 140 a thun tawh a, World Cup-ah hat trick siam thei upa ber niin, kum 33 leh ni 130 a upa a nihin World Cup-ah hat trick a la siam thei. Instagram-ah pawh follower ngah ber niin, he social media app-ah hian follower maktaduai 596 a nei a ni.