Hritlang leh khuh enkawl dan

Thlasik laiin khuh leh hritlang satliah te hi kan buaina pakhat a ni thin a, engamah hmaa damdawi han ei nghal chawt zel chu a fuh ber loh thin ve bawk si. hetiang a nih vang hian side-effect nei lo, mahni tawka inenkawl dan thiam hi a tha ve riau a nia.
Times of India health section-in hetianga hritlang satliah leh khuh naran te mahni tawka inenkawl dan tha ni a an sawi te kan rawn tarlang e.
1. Tuilum chi al-in i hrawk thuah (gargle) thin ang che. Hei hian hrawk na a chhawk zangkhai thei a ni.
2. Thil in chi, a lum lampang in tam rawh- entir nan coffee leh thingpui te emaw, tuilum pangngai te pawh.
3. Bawnghnute lum pep pepah aireng dip tlem leh sawhthing rawt sawm tlem bakah khawizu thirfiante khat pawlh la, in rawh. Hei hi khuh tan damdawi a nih bakah taksa na them thum te pawh a chhawk thei a, hritlang leh lu na tan pawh damdawi tha tak a ni.
4. Hritlang tan chuan tuihu hip (steam inhalation) hi inenkawlna tha ber pawla sawi a ni. Kettle-ah emaw dekchi-ah emaw tui chhuang so la, puana inkhuhin, a tuihu chu lo hip mai rawh.
5. I thingpui in turah tulsi hnah leh sawhthing bakah black pepper te telh la, hei hi khuh leh hritlang tan a tha.