California-a vur tawlhin a chhilh mi pakua zawng mek
California-a Lake Tahoe chhehvela vur tawlh nasa tak karah vur tleng mi pakua chin hriat lohvin an awm mek a, a zawn hna ngawrh taka thawh a ni tih thuneituten an sawi.
Thawhlehnia chhiatna thlengah hian mi dang paruk chu an tan reng hnuah chhanchhuah an ni tih Nevada County Sheriff’s Office-in a sawi.
Vur hi Truckee khaw bul, Castle Peak-ah Thawhlehni chawhma dar 11:30 (India-a Nilaini zing dar 01:00) velah a tawlh niin thuneituten an sawi a. Khaw awm dan chu a la hlauhawm hle a, la tawlh zel thei niin an sawi.
Sheriff chuan a bula ski resort atangin ‘vur tleng thiam bik tam’ tirh an ni tih a sawi a. Dama lak chhuak parukte hi ‘an tana tha thei ang ber tur hmunah dah an ni’ tih a sawi bawk.
Thuneitute hian chhiat tawkte hi mi 16 an ni a, a kaihruaitu pali leh a tleng thin 12 an ni tih an sawi phawt a, a hnuah 15 an ni zawk tih an puang leh.
Sheriff’s office hian mi parukte hi tlai lam (India-a Nilaini zing)-ah him taka lak chhuah an nih thu Facebook-ah tar langin pahnih chu damdawi inah dah an ni tih a tar lang abwk.
A bula Boreal Mountain Ski Resort leh Alder Creek Adventure Center-a mi thiamte pawhin a hmun hi pan an tum.
An earlier statement posted by the sheriff’s office said 46 emergency responders had joined the rescue efforts.
Vur tawlh hi Sierra Avalanche Center-a forcaster Steve Reynaud-a chuan a tehnaa D1 leh D5 inkar an neihah D2.5 a nih thu ABC News 10 a hrilh a. D2 vur tawlh hian mi hliam, chhilh leh thihna a thlen thei niin avalanche.org chuan a tar lang.
Reynaud-a hian chhiat tawkte hi ni thum chhung vur tlenga an zin chhuaha a ni tawp berna an hmang mek niin a sawi bawk.
Chhiatna thlenna hmun atanga hnai tê-a awm, Boreal Mountain Ski Resort chuan darkar 24 chhungin vur hi inches 30 a tla hman niin an sawi a. Resort pawh thli na tak leh khaw hmuh theih chin tawi em avangin Thawhlehni khan an khar tih an sawi.
Vur tla nasa avang hian Interstate 80 leh Highway 50 telin kawngpui tam tak khar a ni bawk.