Isaac Zoliana
Ph : 9436351567
-- Advertisement --
Tun hma deuh, kum 1957 leh 1965 inkar khan Mizo leh Khasi leh Garo – te chuan Hill State neih duhin Eastern India Tribal Union kan din a. Mizo Hruaitute chu Shillong -ah ro rel turin an chhuk zut a. Garo leh Khasi hruaitute pawh Aizawlah ro rel ho turin an lo chhuak chho zut bawk a. Ro rel naa an tawng hman chu Sap tawng a ni a.
Kan Mizo hruaitute khan thu sawi tura hnam dang an koh khan CALL UPON hi an hmang ziah a.
CALL UPON hi a awmzia English Dictionary – in a sawi dan chuan TURN TO FOR HELP a ti a. |anpui tura sawm, tanpui ngai, tihna a lo ni a. Thu sawi tura mi sawm nana tanpui lo dil daih chu a mak ang reng hle.
Govt. High School Headmaster, Sangliana khan CALL UPON chu hmang tawh lo turin kan Politician hmasa ho chu a hrilh a. Ani kha kum 1937 ah B.A. English honours lo pass daih tawh kha a ni a. A dik leh dik lo chu a hre chiang hle a ni.
Tun thleng hian kan Pastor thenkhat pawh hian hnam dang Pastor te an lo kal a, thu sawi tura an sawm hian CALL UPON bawk hi an ala hmang ta cheu.
Sap hovin thu sawi tura an sawm a, an tawngkam hman chu ASK FOR hi a ni. ASK FOR awmzia English Dictionary -in a sawi dan chuan, Request to Speak to, a ti. UPC NE Pastor, Pa tê tak te, lu var vîk vêk te kha USA – ah te awm tawh a ni a. Ani kha chuan an Missionary Pastor Sap lo kal khan a Chairman reuh va. Sap ho hman kha a lo hre thang tawh a. An hman dan dik tak ASK FOR a hmang reuh va. Mizo zingah a hmang dik hmasa ber a ni mai ang em ?
Billy Grahama tupa-in Vaivakawn field-a thu a sawi khan Chairman khan CALL UPON a hmang a.
Chapchar Kut 2023 kan hmana thu puangtu hmeichhia pawh khan CALL UPON a hmang a. Hmang hnuhnung ber a ni awm e.
CALL UPON – Buh Bye ASK FOR – Bon Voyage
DDK – A MIZO |AWNG CHUNGCHANGA INKAWMNAA ZAWHNATE
1. I pian leh Murna min hrilh hmasa dawn em ni ang?
2. I lehkha zir dan min hrilh dawn em ni ang?
3. Mizo tawng kan tih ber tâk, Lusei tawng leh Mizo hnahthlak tawngte hi eng angin nge i ngaih?
4. Tuna kan thlûr ber tur chu Lusei tawng, Mizo tawng kan tih tak ber hi a ni lawm ni?
5. Chutia Mizo tawng chu kal sual nasa i tih chuan eng tin tin nge a kal sual? Eng hun atang khan nge?
6. Mizo tawng kal sual chu engtia tih dik tur nge ni ang?
7. Mizo Language Development Board hian a tidik thei ang em?
8. A nih leh Pu Buanga Dictionary chu tu nge ti dik theia i rin?
9. Pu Buanga Dictioanary-a a tih dik loh tam tak a tih dikna i ziak chu i la dah tha nge ? Engtin nge kalpui i tum?
10. Pu Buanga Dictionary chu kum 1939 April thla khan chhut a ni a. A nih ang ang hian kum 1975 khan Mizoram sawrkar, Art and Culture Department chuan a chhut tir am ni kha?
11. A dik lote pawh an ti dik chuang lo a ni maw?
12. Chuti taka dik lo chu Art and Culture Department pawh hian ngaihtuah se a va tha âwm ve?
13. Mizo tawng hi thlûk nei, Sap tawnga tonic language a ni a. Tunlai hian Mizo tawng thlûk dan dik lova hmang an tam ta hle a. Mitthi rawp lam tih te, mi lu lam tih te, thawhlawm tihte, rawlthar tih te, zalenna tih te leh a dangte pawh a thlûk an tidanglam hi eng nge i ngaih dan ?
14. |hangtharte hian lu mêt hi sam mêt an ti ta nual mai a. Eng nge i ngaihdan?
15. UNO hian Mizo tawng hi ral hlauhawm zingah a chhiar tel a. Eng nge i ngaihdan ?
16. Pu Buanga Dictionary tih dik a tulzia Asiatic Society Secretary hnenah thlen i tum niin an sawi a. A dik em?