CAM Cup champion Ramhlun Venglai
Ramhlun Venglai Cricekt Club chuan Cricket Association of Mizoram hnuaia multi-day format-a inelna sang CAM Cup hmasa ber final-ah wicket thumin Kulikawn Cric-ket Club an hneh.
Tunkar Thawhtanni khan final match hi Suaka Cricket Ground-ah an khel tan a; RVL hian hnehna chang turin Nilaini khan an second innings-ah run 96 siam an mamawh a, over 28 chhunga wicket 7 hlohin an run mamawh zat an siamchhuak thei.
Kulikawn Cricket Club-in vuak hmasak zawk thlangin, first innings-ah beisei angin an chetha tawk lo a, run 103 siamin an out zo.
An second innings-ah erawh Parvez Ahmed chethain, run 103 a siam a, run 216 an siam.
Man of the match-a thlan Kulikawn bowler Bobby Zothansanga’n a thawhhlawk a, RVL innings vawi hnih chhungin wicket 14 a la a, nimahsela, RVL chak tur hi veng thei bik lovin 1st Division champion lai hian an first innings-ah run 224 an puitlin a; Ahmaa Ralte chuan run 82 siamin a team tana siam hnem ber a ni.
Tournament chhunga half century vawikhat siama wicket 12 la bawk Ramhlun Venglai all-rounder Vanrotlinga chu Man of the Series-a thlan a ni a; Kulikawn batsman Parvez Ahmed leh bowler Bobby Zothan-sangate’n Best Batsman leh Best Bowler chawi-mawina an dawng.
CAM Cup hi 1st Division tournament-a a sang pali – Ramhlun Venglai CC, Zarkawt Lords CC, Kulikawn CC leh Gorkha CC-te’n an khel a ni.
CAM Cup champion Ramhlun Venglai
Get real time updates directly on you device, subscribe now.
Next Post