Kar hmasa, January ni 10 leh ni 11 khan Myanmar sipaite’n indo thlawhna leh bomb hmangin Chin National Army (CNA) hmunpui Camp Victoria an bei a, he camp bul vel a\angin Mizoramah raltlan an luh belh nual tawh.
-- Advertisement --
Camp Victoria hi |iau kam, Myanmar lama awm a ni a, a lehlam chu Mizoram niin, Farkawn leh a chhehvelte nena inhnaih taka awm a ni.
Farkawn a\anga thu dawn danin, Thawhlehni thleng khan Farkawn-ah raltlan hi 228 an luh belh tawh a, chhungkaw 61 an ni.
Anni hi Camp Victoria beih hnua lut an ni a, a hmain Farkawn-ah hian raltlan hi mi 860 vel an lo awm sa. Lut tharte hian a lo awm sate hi an bel a ni. An zingah hian kum 18 hnuai lam mi 91 vel an tel.
Thu dawn danin, Farkawn bul Khankawnah chhungkaw hnih, member 10 awmna an lut thar a, Vaphai-ah mi panga vel an lut thar bawk.
Camp Victoria hi CNA hmunpui a nih bakah civil lama an hruaitu pawimawhte pawh an awm a, January ni 11 hnuah hian Myanmar sipaite hian an bei nawn leh lo. Camp hi a la ruak nge CNA lam hi an lut leh tih hriat a ni rih lo.
Camp Victoria bul vela thingtlang khuate an ralmuang lo a, Tlanglo, Tlangpui, Halkha, Thantlang leh Tanzang vel a\angin Mizoramah an tlanchhia tih thu dawn a ni.
Nikum lamah pawh heng khua leh a chhehvel a\ang hian Mizoramah mi a sang tel an lo tlanchhe tawh a, engemaw zat chu an khaw lamah an kir leh. Tunah raltlan lut tharah pawh hian nikum lama Mizorama lo raltlan tawh an awm nual nia hriat a ni.