Cannes Festival red carpet-ah BLACKPINK Rose
K-pop girl group BLACKPINK member Rose chu 76th annual Cannes film festival-ah a inlan a,, tun hi Cannes-a a inlan vawi khatna a ni. Rose hi Monster premiere-ah a tel a, he film hi Japanese director Hirokazu Kore-eda direct niin, a film hian minute 6 chhung zet stading ovation a dawng nghe nghe a ni.
Red carpet-ah hian Rose hian kawrfual dum nalh zet mai Saint Laurent tana Anthony Vaccarello kutchhuak a ha a, mipui mit pawh a la hle.
Kumin Cannes-ah hian Jennie pawh The Idol support-in red carpet-ah a inlan dawn a, he HBO series hi festival-ah hian Out of Competition Selections pali zinga pakhat a ni a, Jennie pawh hi he French film festival-ah hian a inlan vawi khatna tur a ni.
BLACKPINK sawi takah chuan Born Pink World Tour an neih mekah Asia an fang mek a, Jennie, Jisoo, Lisa leh Rose te hi May ni 20-21 hian China-a Galaxy Arena-ah an perform dawn a, chumi hnuah Thailand an tlawh ang a, June thla chawhma lamah Japan an tlawh leh dawn a ni.
Cannes Festival red carpet-ah BLACKPINK Rose
Get real time updates directly on you device, subscribe now.
Next Post