Ed Sheeran chu Billboard Artist 100 chart-ah a No.1 a, he chart-a a No.1 tawh zawng zawng belhkhawm chu kar 15 a tling ta. Hetihrual hian LE SSERAFIM pawh a vawi khat nan top 10-ah a lang.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat chhunga an album leh hla hralh tam dan te, streaming leh radio airplay te chu tehna pawimawh a ni.
Ed Sheeran hian a album ‘-‘ (Subtract) hralh that zar a zo a, he album hi kar khat chhungin US-ah 1,12,000 hralhin Billboard 200 (albums) chart No.2-ah a debut a, a album dang 2017-a a tlangzarh tawh ÷ (Divide) leh 2021-a a tlangzarh = (Equals) te chu No.92 leh No.91 an ni bawk. Hei bakah hian Subtract album-a a hla ‘Eyes Closed’ chu Billboard Hot 100 chart-ah No.19 niin, a hla dang ‘Curtains’ chu No.97 a ni bawk a, hei hian Artist 100 chart-ah vawrh sangin, No.10 atangin No.1-ah a invawrh ta a ni.
He chart-a a No.1 zawng zawng belhkhawm chu kar 15 a tling ta a, heti hian Ariana Grande nih rualin, he chart history-a No.1 nih ngunah parukna a ni. He chart-a No.1 ni ngun tawh ber chu Taylor Swift niin, kar 65 a No.1 tling tawh a, Drake (37), The Weeknd (28), BTS (21), Adele (20), Ariana Grande (15), Ed Sheeran (15), Justin Bieber (14), Post Malone (14), Morgan Wallen (13) ten an dawt.
He chart-ah hian LE SSERAFIM chu No.6 an kai a, he chart-a an tawn dan ber nin, he K-pop group hian an LP Unforgiven hralh that zar an zo a, he album hi Billboard 200 chart-ah No.6-ah a debut.
Billboard Artist 100-ah Ed Sheeran a No.1
Get real time updates directly on you device, subscribe now.