Car chesual vanga damdawi in lut Ciro
Italy tana game 55 khela goal 15 thun tling tawh Lazio striker Ciro Immobile chu Rome khawpuia car chesualah a inhliam a, damdawi ina dahluh niin, club thu-chhuah chuan Rome khaw damdawi in Poli-clinico Universitario Agostino Gemelli IRC-CS-a Professor Frances-co Franceschi enkawl department of emergen-cy medicine hnuaiah a hliam endik niin an tarlang.
Kum 33 mi Immobile chuanna car leh electric hmanga tihkal khualzin phur lirthei (tram) insuah Immobile hian a hnungzang ruh leh a nakruh ding lam a sawh na a, a dinhmun erawh ngaihtuahawm a nih loh thu club thuchhuah chuan a tarlang tel.
Pathianni Serie A inkhel pakhatah Lazio hian sithum faiin mualneitu Spezio an sawp a, he match-ah hian Immobile hian goal khat a thun nghe nghe.
Lazio hian Inrinniah Torino an mikhual leh dawn a, tah hian a inlan hman dawn em tih a chiang rih lo.
Sky Sport Italy tarlan danin Immobile hi a fanu pahnihte nen car-in an zin chhuak a, police hnena a sawi danin din tur tih hriat-tirna red light en lai-in tram a tlan lui a, an car a hnawl niin a sawi.
Hliam endik tura damdawi ina hruai mi pasarih zingah tram passenger thenkhat an tel ve bawk.
Immobile hian sea-son kal laiah Serie A goal 10 thun tling tawhin, a team chu league table-ah pahnih-na a nihpui mek a, hma-hruaitu Napoli nen point -in 14-in an la inthlau.
Car chesual vanga damdawi in lut Ciro
Get real time updates directly on you device, subscribe now.
Prev Post
Next Post