Niminpiah khan Nashville-a Carrie Underwood te chhungkaw chenna in a kâng a, Underwood bakah a pasal Mike Fisher leh an fate Isaiah, kum 9, leh Jacob, kum 5, te an him vek niin nimin khan kangthelhpawl thuchhuah chuan a tarlang.
Williamson County Fire and Rescue thupuangtu chuan zan dar 9:42-ah kângthelh tur a awm thu report an dawng a, an kangthelh pawl station pariat atangin kangthelh turin an che chhuak nghal a, kangmei chhuak hi an thelh mit nghal thuai niin an tarlang a, Underwood te chhungkua pawh an him tlang tih a puang tel nghal bawk.
Fire & Rescue thupuangtu chuan, “In neituten an garage bula UTV atangin kangmei a chhuak tih report kan dawng a. Ina awm zawng zawng te hi hliam engmah nei loin an insaseng thei a, he kangmei chhuak avang hian in neitute chhungkaw lam emaw kangthelh pawl lam emaw tumah hliam tuar an awm lo,” tiin an in bula tui dah khawlna gallon 10,000 dawng lo awm hlauh chu an chhawr tangkai hle niin an tarlang bawk.
Underwood thupuangtu pawhin kangmei hi rang taka thelh mih a nih thu puangin, he kangmei chhuak avanga liam tuar tumah an awm loh thu a puang ve bawk.
Carrie Underwood te in kang
Get real time updates directly on you device, subscribe now.