Catholic Thalai Pawl luangchhuak

Catholic Thalai Pawl luangchhuak
Catholic Thalai Pawl chuan an inkhawmpui denchhenin an luangchhuak.
Mizoram pum huap Catholic Thalai Pawl inkhawmpui, Diocese Catholic Thalai Pawl vawi 21-na chu St Francis Xavier Parish Lawngtlaiah neih a ni a, Pathianni zan khan a tiak.
Inkhawmpui hi Bishop of Aizawl, Most Rev Bishop Stephen Rotluanga chuan a hmanpui a. Thupui thlan bik hrang hrang hmanga thusawi ngaihthlak a ni. Inrinni khan cultural day hman niin thupui sawi a nih bakah cultural session hman a ni a, hemi ni vek hian, inkhawmpui apianga an lo tih thin angin khawtlang tana thil tha tihna hun atan hman a ni a, Catholic Thalai Pawl hian Central Young Lai Association-ah oxygen concentrator leh YLA Branch 10 tan gas stove an pe a, inkhawmpui thlengtu – YLA Vengpui Branch leh New Vengpui Branch tan plastic thutthleng an hlan. Lawngtlai District Jail-a awmte tan secondhand bale khat an hlan bakah Lawngtlai khawpuia khawsak harsa chhungkaw 5 thlanbik tan Krismas chibai bukna thilpek an hlan bawk.
Pathianni khan Mass Thianglim neih niin, chawhnu ah thupui sawiho a ni a, programme hlimawm hman zui a ni.