Central scheme leh Bana Kaih policy thlunzawm dan tur inhrilh

Central sector scheme thenkhat – UNNATI, MSME, RAMP leh a dangte chu district hrang hranga Commerce & Industries officer (DCIO) ho leh a kaihhnawih department hnuaia thawktute tan Thawhlehni khan Aizawlah inhrilhfiah a ni.
Hmanpuitu Commerce & Industries minister F Rodingliana chuan sawrkar policy kal laiah Commerce & Industries chu zaa 40 chuang chang thei department a nih avangin mipui tlukluh tam berna tur a ni tih a sawi a. Hriatthiamna zau tak nen lo chhawn thin turin department hotute a chah.
UNNATI leh Bana Kaih Scheme thlunzawm dan tur ngaihtuah chu ram chawikanna tura thil pawimawh tak a ni, tiin, hemi atan hian sawrkar pawhin budget-ah a hranpa in sum a dah tih a sawi bawk.
“MSME RAMP & Bana Kaih Policy”, UNNATI 2024 Scheme, PMFME/ODOP, “PM Vishwakarma leh MSME”, e-Marketing/ONDC tih te chu sawifiah a, zawhna awmte chhan a ni. Workshop kaltlang hian central sector scheme leh Mizoram sawrkar policy ‘Bana Kaih’ thlunzawm dan kawng inhrilhhriat neih a ni.