Champhai district-ah Myanmar
raltlante kaihhruaina siam
District Level Committee on Myanmar Refugees (DLCMR) Champhai chuan an thurel tawh bawhzuiin Thawhtanni khan an chairman, district bawrhsap James Lalrinchhana chuan raltlante tana kaihhruaina dan hriattirna a tichhuak.
Village Level Committee on Myanmar Refugees (VLCMR) chu mumal taka kalpui a, thlatin vawikhat tal thukhawm tur leh an thutkhawm report hi DLCMR chairman-a thehlut tura tih a ni a. Myanmar raltlan zawng zawngin an Myanmar ID Card (Mahpungtre) chu VLCMR-in a kawl that turin an hnenah 2023 April 15 ralhmaa thehlut vek turin a ti.
Myanmar raltlante an awmna veng/khua te hriatpuina loin an duh duhnaah kalsawn loin, VLCMR-in permit a pekte chauhin an awmna veng/khua an sawn thei a. Hemi kaihhnawiha district chhuahsan tur leh lut tur lirtheite Police leh Assam Rifles ten an endik thin dawn a ni.
Dan leh thupek chungchangah an awmna VLCMR /YMA te chu uluk taka vil tura tih an ni a. Raltlante dawr siam leh sumdawnna thil chungchangah VLCMR-in phalna a pekte chauhin dawr siam leh sumdawnna an khawihin an kalpui thei a ni.
Champhai district-ah Myanmar raltlante kaihhruaina siam
Get real time updates directly on you device, subscribe now.
Prev Post