Chance pek leh a phu em

Inngaihzawnnaah hian boruak chhiat chang hi a awm ve thin a, a chang chuan kan rin loh deuha kan ngaihzawng te an chet vak chang te pawh a awm thei ang, a pakhat zawk chat danah a pakhat zawk a lawm lo a, thinrim engphiara inthen phah te pawh awm thei a ni. Rilru ngaihtuahna pawh a mumal hleihtheih loh lai, thinrim lutuk avanga engkim kan huam vek lai tak hian, tawng tam loh a lo tha ber thin tih hi relationship lama mithiam sawi dan a ni. Kan hmangaih ta lo a ni lo va, kan hmangaih reng a, mahse, kan thin a rim em a, inthen kan huam mai thin. Chutiang chu in lo tawng ve palh a nih chuan, ‘chance’ pek leh chi a ni ang em tih hi ngaihtuah rawh le.
Thinrim takin in inthen a, mahse, ngaihdam a dil che a, a thiam loh a nih thu a rawn sawi a, nangin i rilru i lo ti-sak reng dawn em ni? Ngaidamin pawm leh ta la, khatiang boruak kha in tawng leh fo ang em? A nih loh leh ‘chance’ pek leh chi a ni ang em? Heng te hian a tibuai thin che em. Tun tumah hian ‘chance’ pek leh chi a ni tih hriat theih dan tha ni a relationship lama mithiam te sawi kan rawn chhuah chhawng e.
1. Mahni insawithiam nan midang a mawhpuh kual vak vak lo a, a thiamthu a sawi kual duah lo a, “Ka tihpalh a ni, min ngaidam rawh,” tiin a tihsual a pawm a, i hnenah a rawn kir leh a nih chuan ‘chance’ pek leh a phu e. Chutiang ni lo va, midang a puh kual a, a insawithiam char char a, eng eng emaw chhuanlam tur a dap lawr nasa hle a nih chuan ‘chance’ pek tawh loh mai a tha zawk ang.
2. A tisual nasa tih a inhria a, a tihsualah pawi a ti takzet a, a inchhir hle a ni tih pawh a awmdanah i hrethei a, a tihsual chu i lakah siamthat leh tuma a bei a nih chuan ‘chance’ pek leh chi a ni. Chutiang ni lo va inchhirna em em nei awm pawha a lan loh a, a rei hnuah i thinrim pawh a reh ve leh mai ang tih enin a en che a nih chuan ‘chance’ pek leh a phu tawh lo. Tin, a inchhir tak tak leh tak tak loh chu hai rual a ni lo ang.
3. I thutlukna siam turah a nawr nghal tut tut lo che a, thutlukna i siam theih nan a lo tawlh sawn rih a, nangmah a i inngaihtuah theihna hun thawl a pe che a, chutih rualin ninawm khawpin a rawn text tlut tlut lo bawk che. Thutlukna i siam theih nan hun thawl pekna chang che a hria a, chutih rualin a ‘care’ che tih hriat theih tawk turin a be pawp tho che. Hetiang mi hi ‘chance’ pek leh a pawi lo ang.
4. A tihsual ngai a tisual nawn fo em. Mi zawng zawngin tihsual palh hi chu kan nei fo thin a, kan tihsual ngai pawh kan tihsual leh fo thin. Mahse, i ngaihzawng chuan a vawi khat nan tihsual lian deuh a nei a, i ngaihtuah vang vangin a tisual palh ni a i hriatna i neih chuan ‘chance’ pe leh rawh. I