Chelsea tana goal veng tur Sanchez

Spain tana tum hnih goal veng ve tawh Brighton goalkeeper Robert Sanchez chuan Chelsea a zawm dawn a, a manah club pahnih hi pound maktaduai 25-in an inrem fel a, a khelh dan azirin a man hi la pung chho leh hret tur a ni.
Blues hian Sudi Ara-bian club Al-Ahli lama Edouard Mendy an chhuahtir hnuah keeper thar an melh a, kum 25 mi Sanchez hian Stam-ford Bridge-a number one nih inchuhnaah Kepa Arrizabalaga a hma-chhawn dawn a ni.
Spaniard keeper thar an sengluh tur hi Chelsea goalkeeping coach Ben Roberts nen rei vak lo Brighton lama lo thawk-dun tawh an nih avangin a club thara mikhual lutuk tur a ni lo ang.
Sanchez hian kum 2013 khan Levante atangin rawlthar kum 15 mi lek ni chungin Sea-gulls academy a zawm a, Brighton-a ei a rawn tlin chhoh hnuah loan-in Forest Green leh Roch-dale lamah intathriam tura chhuahtir a ni.
November 2020 khan a Brighton debut nghak-chhuakin, a hnu kum hnih chhung chu Seagulls first-choice stopper a ni chho a; club lama a din-hmun avangin kum 2021-ah Spain tana khel tura koh a ni ta hial a, Euro 2020 tournament leh 2022 World Cup tihkhawtlaiah khan squad-ah tel mah se ram tana goal a ven awmchhun la ni rih pa-hnih chu friendly match ve ve a la ni thung.
2022-23 Premier League season chawhnu lamah khan Sanchez hi Jason Steele chuan a nekchhuak ta tlat a, khati chung khan Wembley khelmual FA Cup semi-final match pakhat zawka penalty peta Manchester United an hneh loh tum khan goal a veng.
Inelna hrang hranga game 90 a khelh tawhna Brighton-ah Sanchez hian June 2025 thleng contract la nei mah se west London lamah a mutbu a puchhuak dawn.